Die vraagkromme na blogs skuif na regs Reply

As jy hierdie blog lees is dit seker nie nodig om jou om te praat om hierdie blog te lees nie, maar as ons verduidelik hoekom blogs belangrik is, volg jy ons dalk per epos?!

As ‘n skolier, student, akademikus of belangstellende lid van die gemeenskap kan jy dalk vra, hoekom is dit belangrik om blogs te lees, hoekom het ‘n Skool vir Ekonomie een nodig, hoekom is dit belangrik om blogs te skryf?

Daar is onlangs baie geskryf oor die impak van blogs op onderrig en navorsing. David McKenzie en Berk Ozler van die Wêreldbank het geargumenteer dat daar is voordele vir die blogger en positiewe eksternaliteite verwant aan ekonomie blogs. Dit gaan basies oor hoe studente, ander navorsers,  beleidmakers en die publiek bewus word van die nuutste navorsing.  Die tradisionele model werk soos volg: die Prof doen die navorsing, skryf dit op as ‘n referaat en lewer dit by ‘n konferensie vir vakkundiges, dan stuur hy/sy dit in na ‘n akademiese joernaal, kry terugvoer, hersien die artikel, dit word gepubliseer en mense (ander Profs) lees oor jou werk.

Soos mens maklik kan aflei is dit dus ‘n klein gehoor wat bewus word van jou insigte oor inflasie of werkloosheid. En dit vat baie lank. In die navorsing wat McKenzie en Ozler gedoen het, is die NBER Working Papers wat hulle ondersoek het gemiddeld 4 keer afgelaai in die 3-14 maande nadat dit vrygestel is op RePEc. Gemiddeld 10 mense het na die opsomming gekyk. David McKenzie skryf in ‘n ander stuk oor akademiese joernale. In 2011 was ‘n artikel wat ingedien is by die American Economic Review gemiddeld 37 weke “under review”. Vandat die artikel ingedien is, totdat dit aanvaar is het 69 weke geneem en daarna was dit ‘n verdere 61 weke voor publikasie. Die punt is nie dat die AER stadig is nie (meeste navorsers kan nagmerrieverhale vertel van die jare wat hulle al gewag het by amper alle joernale), maar dat die navorsing wat nou in die joernale staan, nie meer die nuutste navorsing nie.

Paul Krugman het die onlangs mooi opgesom:

“…the traditional model of submit, get refereed, publish, and then people will read your work broke down a long time ago. In fact, it had more or less fallen apart by the early 80s. Even then, nobody at a top school learned stuff by reading the journals; it was all working papers, with the journals serving as tombstones. “

Hy het geweet watter working papers om te lees omdat hy by die regte konferensies was.

“Journal publication was so slow relative to the pace of ongoing work that it no longer acted as an information conduit”

Vandag is die kanaal vir inligting aanlyn working papers en blogs. McKenzie en Ozler se navorsing wys dat as navorsing op ‘n prominente blog genoem word, word dit deur meer mense gelees.

As jy dus ‘n student, navorser of beleidmaker is moet jy blogs lees want dit is rapporteer die nuutste navorsing in die veld.

As jy ‘n student of navorser is moet jy blogs skryf want dit is hoe ander mense gaan weet van jou nuutste werk. ‘n Belangrike deel van akademiese navorsing is om jou werk bekend te stel en te verdedig. Blogs is ‘n manier om jou idees te deel en terugvoer te ontvang.

Laaste wys die navorsing dat dit is makliker om gehoor te word in ‘n skare. As daar meer blogs is wat met mekaar skakel is die gehoor groter, die kwaliteit van die blogs word beter, daar is kans om te spesialiseer. Behalwe om te skryf oor ons eie aktiwiteite wil die Skool ook graag skakel met ander blogs en deel word van ‘n gesprek. Daar is nie baie ekonome wat blogs skryf in Suid-Afrika nie, maar hier is solank ‘n paar wat julle gerus kan volg:

Weet jy van ander akademiese ekonome wat blog? Is daar privaatsektor-ekonome wat jy graag lees? Laat weet, dan voeg ons hulle by die blogroll. Eat, sleep, blog, Economics!

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s